Börn mega koma til okkar alveg frá fæðingu. Aðferðirnar sem við notum eru aðlagaðar með aldur og þroska barnsins í huga og eru sérstaklega mjúkar þegar um ungabörn er að ræða, líkt og þegar verið er að skoða hvort avocado sé tilbúið.

Ástæðurnar geta verið fjölbreyttar. Foreldrar leita meðal annars til okkar vegna erfiðleika við brjóstagjöf, óværðar, svefnvanda, óþæginda í bílstól, bakflæðis, meltingarvandamála eða hægðatregðu. Einnig koma börn til okkar eftir erfiða eða langa fæðingu, vegna stífleika, skertrar hreyfigetu, ósamhverfu eða þegar þau virðast kjósa að horfa eða snúa sér meira í aðra áttina. Við skoðum hvert barn vandlega og metum hvort eitthvað í hreyfigetu eða stoðkerfi þess geti tengst óþægindunum.

Meðferð barna er einstaklega mjúk, róleg og alltaf aðlöguð að aldri og þroska barnsins. Við notum léttan og nákvæman þrýsting til að vinna með svæði þar sem við finnum fyrir spennu eða skertri hreyfigetu. Þrýstingurinn er svipaður og þegar maður athugar varlega hvort avókadó sé tilbúið. Við fylgjum alltaf viðbrögðum barnsins og leggjum áherslu á að því líði öruggt og vel allan tímann.

Nei, meðferð barna er ekki eins og meðferð fullorðinna. Við notum einstaklega mjúkar og rólegar aðferðir sem eru aðlagaðar að aldri, stærð og þroska barnsins. Þrýstingurinn er svipaður og þegar maður athugar varlega hvort avókadó sé tilbúið.

Nei, meðferð barna er mjög mjúk og róleg og á ekki að valda sársauka. Við notum aðeins léttan og nákvæman þrýsting, fylgjumst vel með barninu og förum alltaf á hraða þess. Öryggi og vellíðan barnsins eru alltaf í fyrirrúmi.

Þú þarft ekki að vera búin að átta þig á því sjálf/ur. Þú getur haft samband við okkur og sagt okkur frá því sem þú hefur tekið eftir. Við hjálpum þér að meta hvort rétt sé að bóka skoðun eða hvort leita eigi til annars heilbrigðisstarfsfólks.