Ef þú byrjar að finna fyrir einhverjum einkennum eins og hálsbólgu, nefrennsli eða þreytu, ekki láta það stoppa þig í að mæta í kírópraktík tímann þinn! Þvert á móti getur verið sérstaklega gagnlegt að koma í meðferð þegar ónæmiskerfið er undir álagi, því kírópraktík getur haft jákvæð áhrif á líkamann og hjálpað honum að vinna gegn veikindum hraðar.
Ónæmiskerfið er fyrsta varnarlína líkamans gegn sýkingum, veirum og sjúkdómum. Flestir tengja kírópraktíska meðferð við verki í baki og hálsi, en hún hefur einnig áhrif á aðra þætti heilsunnar, þar á meðal ónæmiskerfið. Rannsóknir og klínísk reynsla benda til þess að regluleg kírópraktísk meðferð geti stutt og eflt ónæmiskerfið með því að bæta starfsemi taugakerfisins.
Tengingin milli taugakerfisins og ónæmiskerfisins
Taugakerfið og ónæmiskerfið starfa saman og hafa áhrif hvort á annað. Taugakerfið stýrir allri líkamsstarfsemi, þar á meðal ónæmisviðbrögðum. Hryggurinn verndar mænu, sem er aðal samskiptaleið milli heilans og líkamans. Ef hryggurinn er undir of miklu álagi geta bólgur og streita myndað truflun taugaboða og haft neikvæð áhrif á ónæmiskerfið.
Með kírópraktískum leiðréttingum má lagfæra þessi álagssvæði og tryggja að taugakerfið starfi rétt, sem gerir ónæmiskerfinu kleift að vinna á skilvirkari hátt og vernda líkamann gegn sýkingum og sjúkdómum.
Hvernig kírópraktík styrkir ónæmiskerfið
- Minnkar streitu og bólgur
Langvarandi streita og bólgur geta veikt ónæmiskerfið og gert líkamanum erfiðara fyrir að berjast gegn sýkingum. Kírópraktísk meðferð hjálpar til við að draga úr streitu með því að bæta virkni taugakerfisins, losa um vöðvaspennu og stuðla að slökun. - Eykur blóðflæði
Rannsóknir hafa sýnt að kírópraktískar leiðréttingar geta aukið blóðflæði, sem gegnir lykilhlutverki í vörn líkamans gegn bakteríum og veirum. - Bætir sogæðakerfið
Sogæðakerfið sér um að hreinsa eiturefni og úrgangsefni úr líkamanum, sem styður við heilbrigt ónæmiskerfi. Við getum bætt flæði sogæða, sem hjálpar líkamanum að afeitra sig á skilvirkari hátt. - Stuðlar að bættum svefn
Kírópraktík getur bætt svefn með því að draga úr spennu og verkjum í líkamanum, sem gerir einstaklingum kleift að slaka betur á. Líkaminn læknar sig hvað mest þegar við sofum!
Kírópraktík sem hluti af heilbrigðum lífsstíl
Til að hámarka virkni ónæmiskerfisins er mikilvægt að sameina kírópraktíska meðferð við aðra heilbrigða lífshætti, svo sem:
- Næringarríkt mataræði
- Reglulega hreyfingu
- Nægilegan svefn
- Streitustjórnun með hugleiðslu, djúpöndun eða slökunaraðferðum
- Nægilega vatnsdrykkju og að forðast unnin matvæli
Með því að halda áfram í kírópraktíska meðferð, jafnvel þegar þú finnur fyrir smávægilegum veikindum, getur þú hjálpað líkamanum að jafna sig hraðar og haldið ónæmiskerfinu sterku.
Ef þú vilt styrkja ónæmiskerfið á náttúrulegan hátt og bæta almenna líðan, íhugaðu að bóka tíma hjá Líf Kírópraktík í dag. Líkaminn þinn mun þakka þér fyrir það!
Heimildir:
Colombi A, Testa M. The Effects Induced by Spinal Manipulative Therapy on the Immune and Endocrine Systems. Medicina (Kaunas). 2019 Aug 7;55(8):448. doi: 10.3390/medicina55080448. PMID: 31394861; PMCID: PMC6722922.
Máni Þór Valsson
Kírópraktor
