"Fyrsta skipti heill mánuður verkjalaus í 15 ár. Eftir rúman mánuð af slæmum verkjum í bakinu fór ég loksins, en fyrir mér voru bakverkir partur af lífinu en þarna var kvótinn fullur. Í dag gæti ég ekki verið sáttari, verkjalaus og búin að gleyma hvar ég geymi verkjatöflurnar sem voru áður staðalbúnaður í hverju horni eftir bílveltu fyrir 15 árum síðan."

"Bæði ég og tæplega 4.mánaða sonur minn búin að vera með ótrúlegum árangri! Ég festist illa í hálsinum en var orðin alveg góð eftir tvö skipti og sonur minn stífur í hálsinum og efra baki en allt annar eftir örfá skipti."

"Frábær stofa með yndislegu starfsfólki! ​ Fór með son minn 10 vikna þar sem hann var oft pirraður, svaf mjög illa og átti oft erfitt með að hafa hægðir. Hann vildi alls ekki snúa höfðinu til vinstri, reygði sig aftur á meðan hann grét sárt og trylltist við að vera settur á magann. Hann var fastur í tveimur hryggjarliðum og hægra megin í hálsinum. Strax eftir fyrsta tímann gat barnið slakað á og kúkað án þess að verða eldrauður í framan af rembing. Hann sefur líka mun betur og lengur í einu og er mikið slakari og glaðværari í vöku."

"Ég var með alvarlegt mígreni, höfuðverk nánast daglega og lifði á verkjalyfjum. Eftir meðferð hér finn ég varla fyrir höfuðverk lengur."

"Ég fór fyrst til Líf Kíró þegar ég var gengin 26 vikur og komin með slæma grindaverki - það slæma að ég var farin að ganga með hækjur. Eftir aðeins einn tíma hjá þeim var ég búin að losa mig við hækjurnar. Ég átti ótrúlega magnaða og náttúrulega fæðingu án allra inngripa og ég trúi því að meðferðin hjá þeim hafi gert gæfumuninn þar. Þau eru mjög fagleg og einlæg í viðmóti. Ég mæli 100% með þeim, sérstaklega fyrir óléttar konur - þau vinna kraftaverk!"